Italiyaning “Roma” yetakchisi Paulo Dibala ijtimoiy tarmoqlarda muxlislarga murojaat qilib, A Seriyaning 29-turida “Kalyari”ga qarshi o‘yinda (1:0) olgan jarohatini inobatga olib, jarrohlik amaliyotini o‘tkazishni ma’lum qildi.
"Aziz do‘stlar, avvalo, menga doimo ko‘rsatayotgan mehringiz uchun sizga chin qalbimdan minnatdorchilik bildiraman.
Tekshiruv natijalaridan so‘ng, turli mutaxassislarning fikrlarini inobatga olib, tezroq futbol maydoniga qaytish uchun ushbu operasiyani hozirdan o‘tkazishga arziydi, degan qarorga keldim.
Vaqtinchalik maydonga tushmasam ham, mavsumning o‘ta muhim va hal qiluvchi pallasida jamoadoshlarimni qo‘llab-quvvatlashda davom etaman. Maydonda ko‘rishguncha!", dedi Dibala.
Avvalroq 31 yoshli argentinalik ushbu mavsumda boshqa maydonga tushmasligi haqida ma’lumotlar paydo bo‘lgandi.
