Брайан Ример Миллатлар лигасининг 1/4 финали биринчи ўйинида Португалия устидан қозонилган ғалабага (1:0) баҳо берди.
24-дақиқада Дания терма жамоаси ярим ҳимоячиси Кристиан Эриксен пенальтини аниқ амалга ошира олмади.
"Аввало шуни айтмоқчиманки, бугун Паркенда яна ажойиб муҳит ҳукм сурди. Бундай стадион ва шундай мухлисларнинг қўллаб-қувватлаши катта совғадир. Бу бизга жуда ёрдам беради! Биз жасорат ва куч кўрсатишни хоҳладик ва ўйлайманки, футболчилар майдонга айнан шундай чиқишди. Улар бизнинг режамизни аъло даражада амалга оширишди.
Иккинчи голни урмаганимиздан бироз норозиман. Чунки бугун биз бунга лойиқ эдик деб ўйлайман. Биласизки, бундай учрашувларда бор имкониятдан фойдаланиш керак. Шундай экан, яна бир гол уришни истардим", - деди Дания мураббийи.
