"Реал" ва Винисиус Жуниор шартномани узайтириш масаласини муҳокама қилишда давом этмоқда. TodoFichajes портали хабарига кўра, янги келишувда бразилиялик футболчини Саудия Арабистони клублари сотиб олиши мумкин бўлган алоҳида банд бўлади.

Манбага кўра, шартномада саудияликлар 2025, 2026 ва 2027 йилларда фаоллаштириши мумкин бўлган 300 миллион евролик сотиб олиш имконияти кўрсатилади.

Қайд этилишича, бундай нарх белгилаш "олтин ўрталик" ҳисобланади: бир томондан, "Реал" спорт лойиҳасини ҳимоя қилади, бошқа томондан эса Винисиусни йўқотганда яхши компенсация кафолатлайди.

Дарвоқе, Винисиуснинг "Реал"даги маоши бир мавсум учун 20 миллион еврога кўтарилиши мумкин.