"Вулверхэмптон" АПЛнинг икки ўйинида бразилиялик ҳужумкор футболчиси Матеус Кунья хизматларига таяна олмайди. У яқинда Англия кубоги доирасида "Борнмут"га қарши ўйинда Милош Керкезга нисбатан ишлатган жиддий қўполлиги учун дисквалификация қилинди.
Бундан ташқари, Кунья ўз қилмиши учун 50 минг фунт стерлинг миқдорида жарима тўлашга мажбур бўлди.
Кунья 25 ёшда, жорий мавсумда марказий ҳужумчи ҳисобида барча мусобақаларда 15 та гол ва тўртта голли узатма мавжуд. Голли ҳаракатлар учун унга 29 та ўйин керак бўлди.
