Мадриднинг "Реал" клуби ва Франция терма жамоаси ҳужумчиси Килиан Мбаппе "Лос-Бланкос"нинг собиқ устози Зинедин Зидан ҳақида гапирди.
"Зидан ҳар бир боланинг кумири эди. У Франция терма жамоаси тарихида ўчмас из қолдирди ва французлар қалбида абадий қолади. Менинг унга бўлган муҳаббатим шубҳасиздир. Агар у Франция терма жамоасини бошқарса, бу катта завқ бўлади, мен жуда хурсанд бўламан", - деди Мбаппе AS билан суҳбатда.
Аввалроқ Франция терма жамоаси бош мураббийи Дидье Дешам терма жамоани тарк этиши, Зидан эса унинг ўрнига келиши ҳақида хабар берилганди.
Зинедин Зидан фақат "Реал Мадрид" билан ишлаган, у 2016 йилдан 2018 йилгача ва 2019 йилдан 2021 йилгача Мадриднинг асосий жамоасини бошқарган. Франциялик мураббий "қаймоқранглилар" билан биргаликда икки карра Испания чемпиони, икки карра Испания Суперкубоги ва уч карра Чемпионлар лигаси ғолиби бўлди.
