"Бавария" ярим ҳимоячиси Жоау Палинья клубдаги биринчи мавсумини яхши ўтказмаяпти.

Португалиялик футболчи Венсан Компани жамоасининг асосий таркибига кира олмади ва майдонга тушганидан кейин кўпинча танқидлар қурбони бўлмоқда. Жароҳатлар билан боғлиқ муаммолар ҳам бор. Bild хабарига кўра, барча қийинчиликларга қарамай, хавбек келаётган ёзда "Бавария"ни тарк этмоқчи эмас. Мюнхен клубининг футболчи борасидаги режалари ҳозирча ошкор этилмаяпти.

Жоау Палинья ўтган йилнинг июль ойида Англиянинг "Фулхэм" клубидан 51 млн еврога сотиб олинганди. 29 ёшли футболчининг Бундеслига гранди билан шартномаси 2028 йилнинг ярмигача мўлжалланган.