Бразилия терма жамоаси ўйинида бошидан жароҳат олган дарвозабон Алиссон Бекер "Ливерпуль"нинг навбатдаги ўйинида иштирок этиши мумкин. Бу ҳақда инсайдер Фабрицио Романо ўз ижтимоий тармоқлари орқали маълум қилди.

Манбага кўра, Алиссоннинг аҳволи қониқарли, аммо у келаси ҳафта бўлиб ўтадиган Бразилия ва Аргентина ўртасидаги 2026 йилги жаҳон чемпионати саралаш ўйинини ўтказиб юборишга мажбур бўлади.

"Ливерпуль" Англия чемпионатида катта фарқ билан пешқадамлик қилмоқда. "Қизиллар" навбатдаги ўйинни 2 апрель куни ўз майдонида "Эвертон"га қарши ўтказади.