"Ювентус" бош мураббийи Тьяго Мотта мавсум давомида истеъфога чиқарилишини кутмаганди.
Мутахассиснинг истеъфоси яқин кунларда расман эълон қилинади, унинг ўринбосари Игор Тудор бўлиши ҳам маълум. "Газета.Ру"нинг Sky Sports'га таяниб хабар беришича, Моттанинг ўзи Турин клуби раҳбариятининг бундай қароридан ҳайратда қолган - у мавсум охиригача истеъфога чиқарилишини кутмаганди. Мураббий муаммоларни ҳал қилишга ва узоқ муддатли истиқболда керакли натижаларга эришишга қодир деб ҳисобларди.
"Ювентус" А Серия 29-туридан кейин 52 очко билан турнир жадвалида бешинчи ўринда бормоқда. 29 март куни "бьянконерилар" ўз майдонида "Женоа"га қарши баҳс олиб боради.
