"Ювентус" бош мураббийи Тьяго Моттани истеъфо кутмоқда. Аниқ маълумотларга кўра, тез орада мураббий лавозимини тарк этади ва унинг ўрнини Игор Тудор эгаллайди. А Сериянинг 29-туридан ўрин олган "Фиорентина"га (0:3) қарши ўйиндаги йирик мағлубиятдан сўнг Моттанинг тез орада истеъфога чиқарилиши ҳақида фаол гап-сўзлар бошланганди, бироқ журналист Николо Скиранинг ёзишича, мутахассис бундан олдин ҳам "кекса синьора" боссларининг ишончини йўқотган.
Эслатиб ўтамиз, "бинафшаранглилар"дан учралган мағлубиятдан олдин туринликлар ўз уйларида "Аталанта"га янада йирикроқ ҳисобда ютқазишганди - 0:4. Бироз олдин жамоа Чемпионлар лигасидан чиқиб кетди ва Италия кубогидаги юришини якунлади, мос равишда ПСВ ва "Эмполи"га ютқазди.
