"Ювентус" директори Кристиано Джунтоли Тьяго Моттани клубга таклиф қилинганидан уялишини айтди.
Турин клуби бугун Моттани бош мураббий лавозимидан озод этди. Италиялик мураббий ўрнига Игор Тудор иш бошлайди.
Calcio Mercato нашри хабар беришича, "Фиорентина"дан 0:3 ҳисобидаги мағлубиятдан сўнг, "Ювентус" спорт директори Кристиано Джунтоли бош директор Маурицио Сканавино иштирокида Моттага: "Сизни танлаганимдан уяламан", деди.
Манбага кўра, ўша пайтда мураббий ташқи томондан хотиржам эди.
Қайд этилишича, Мотта ва Джунтоли ўртасида трансфер сиёсати бўйича келишмовчиликлар бўлган: Джунтоли чемпионлик учун курашиш учун бир неча кучайиш етарли, деб ҳисоблаган, Мотта эса кенгроқ ўзгаришларни талаб қилган.
