Хитой пойтахтида бўлиб турган терма жамоамиз охир-оқибат Сеулга Владивосток орқали учадиган бўлди. Бу ҳақда ЎФФ расмий твиттери хабар бермоқда.
Жамоамизнинг Пекинда бир марта машғулот ўтказишга муваффақ бўлди. Меҳмонхона яқинидаги Олимпия шаҳарчасидаги стадионда Миржалол Қосимов шогирдлари булутли об-ҳавода шуғулланишди.
Маълум бўлишича, айни пайтда делегациямиз Пекин аепортида бўлиб турибди. Жамоа тунда Россиянинг Владивосток шаҳри орқали Сеулга учадиган бўлди. Режага кўра, термамиз эртага, 9 июнь куни соат 11:30ларда Сеулга етиб боради.
Эслатиб ўтамиз, 9-турнинг Жанубий Корея - Ўзбекистон учрашуви 11 июнь куни Сеулдаги "Жаҳон кубоги" стадионида, маҳаллий вақт билан соат 20:00, Тошкент вақти билан эса 16:00да бошланади.
