Англия терма жамоаси Томас Тухель қўл остидаги дастлабки икки ўйинда ўз дарвозасидан гол ўтказиб юбормасдан ғалаба қозонди.
Бугун у Латвияни 3:0 ҳисобида мағлуб этган бўлса, ўтган ҳафта Албания устидан 2:0 ҳисобида ғалаба қозонганди.
Ушбу ўйинларда инглизлар жами 39 та зарба йўллашди, шундан 13 таси аниқ. Рақиблар 6 марта зарба йўллашди ва фақат битта зарба аниқ бўлди.
Албания билан ўйинда Англия 71 фоиз, Латвия билан эса 67 фоиз тўпга эгалик қилди.
Тухель жамоаси кейинги ўйинни 7 июнь куни Андоррага қарши ўтказади.
