Аргентина терма жамоаси бош мураббийи Лионель Скалони янги Лионель Месси деб аталаётган испаниялик Ламин Ямал ҳақидаги саволга жавоб берди.
17 ёшли вингер "Барселона"даги буюк аргентиналикнинг меросхўри ҳисобланади. Аргентина ва Бразилия терма жамоалари ўртасидаги ўйин олдидан "альбиселесте" бош мураббийсидан бу таққослаш ҳақида қандай фикрда экани сўралди.
"Ямал - дунёнинг энг яхши ўйинчиларидан бири, аммо тўғрисини айтганда, уни Месси билан таққослаш қийин. Мен ўзим хоҳламаган нарсани айтишни истамайман, аммо Ламин - ажойиб футболчи," - деди Скалони матбуот анжуманида.
