"Барселона" ярим ҳимоячиси Френки де Йонг клубдаги фаолиятини давом эттирмоқчи.

Нидерландияликнинг амалдаги келишуви 2026 йилда ўз ниҳоясига етади. Хавбек узоқ вақт давомида шартномани узайтириш бўйича музокаралар олиб боришдан бош тортди, шунинг учун матбуотда Каталония гранди футболчини сотишга тайёрлиги ҳақида мунтазам равишда миш-мишлар пайдо бўлди. Журналист Пол Баллуснинг хабар беришича, де Йонг "Барселона"да қолишга қарор қилган ва клуб билан янги шартнома тузишни режалаштирмоқда. Томонлар ўртасида музокаралар аллақачон олиб борилмоқда.

Френки де Йонг жорий мавсум "кўк-анорранглилар" сафида барча мусобақаларда 29 та ўйинда майдонга тушди ва 2 та гол ҳамда 1 та голли узатмага муаллифлик қилди. Май ойида футболчи 28 ёшга тўлади.