Хорватиялик ярим ҳимоячи Лука Модрич 2012 йилда “Тоттенхэм”дан 35 миллион евро эвазига ўтганидан бери “Реал” сафида 579 та ўйинда майдонга тушиб, 43 та гол урди ва 93 та голли узатмани амалга оширди. Telefot нашрига берган интервьюсида хорватиялик футболчи фаолиятининг охиригача "Реал"да қолиш ниятида эканини айтди.
"Фаолиятимни "Реал"да якунламоқчиман. Кўрамиз нима бўлишини. Олдинда ҳали кўп ўйинлар бор ва мен уларга эътибор қаратишим керак", - дейди Модрич.
Эслатиб ўтамиз, хорватияликнинг “Лос-Бланкос” билан амалдаги шартномаси мавсум охирида якунига етади.
