"Барселона" президенти ўйинлар жадвалининг зичлиги ҳақидаги саволга жавоб берди.
27 март куни "Барселона" Ла Лиганинг 27-тури доирасидаги қолдирилган ўйинда "Осасуна" билан учрашади. Учрашув Тошкент вақти билан соат 01:00 да бошланади.
30 март куни "блауграна" "Жирона" жамоасига қарши майдонга тушади. Ўйин Тошкент вақти билан соат 19:15 да бошланади.
"Албатта, биз [ўйинга] борамиз. Педри айтганидек, ўйинлар орасида 72 соатлик танаффус бўлишини хоҳлардик, аммо бу имконсиз эди. Лекин биз барибир борамиз", - деди Жоан Лапорта.
Эслатиб ўтамиз, бундан олдин "Реал" жамоаси ҳам ўйинлар орасида 72 соатлик танаффус йўқлигидан шикоят қилган эди.
