Жаҳон чемпионати - 2026 саралаш босқичи доирасида Аргентина терма жамоаси ўз майдонида Бразилия терма жамоасини қабул қилди. Унда мезбонлар "селесао" устидан йирик 4:1 ҳисобида ғалаба қозонди.
Ижтимоий тармоқларда MisterChip манбасининг маълум қилишича, ўтган учрашувда Лионель Скалони шогирдлари иккита рекорд ўрнатган. Аргентина терма жамоаси Жанубий Америкада бўлиб ўтаётган жаҳон чемпионати саралаш босқичида бразилияликларга қарши иккала ўйинида ҳам ғалаба қозонган биринчи жамоа бўлди. Шунингдек, "альбиселесте" жаҳон чемпионати саралаш босқичида Бразилияга тўртта гол уришга муваффақ бўлган биринчи термага айланди.
Аргентина Жанубий Америкадан ЖЧ-2026 йўлланмасини қўлга киритган илк терма жамоа бўлди.
