Аргентина терма жамоаси сардори Лионель Месси жамоасининг Бразилия терма жамоаси устидан қозонган ишончли ғалабасига муносабат билдирди. Жаҳон чемпионати - 2026 саралаш учрашуви 4:1 ҳисобида якунланди. Ушбу натижа аргентиналикларга муддатидан аввал мундиал йўлланмасини қўлга киритиш имконини берди.
37 ёшли Месси жароҳати сабаб ўйинни ўтказиб юборди. Финал ҳуштаги чалинишидан олдин футболчи ўзининг ижтимоий тармоқдаги саҳифасида ўйин натижаси акс этган фотосурат ва кўплаб қарсак эможилари акс этган ҳикояни эълон қилди.
Аргентина терма жамоаси навбатдаги ўйинини 4 июнь куни Чили терма жамоасига қарши ўтказади.
