Мадриднинг "Реал" клуби "Реал Сосьедад" ярим ҳимоячиси Мартин Субименди трансфери учун талаб этилаётган 60 млн евродан воз кечишга тайёр.
Испаниялик футболчи анчадан буён "қаймоқранглилар"нинг трансфер мақсадлари қаторидан жой олган. El Partidazo de COPE'нинг янгиланган маълумотларига кўра, энди "Реал" босслари янада қатъиятли: "қироллик клуби" таянч ярим ҳимоячиси учун 60 млн евро тўлашга тайёрлигини билдирди. 26 ёшли футболчининг шартномасида айнан шунча товон пули кўрсатилган ва "Реал Сосьедад" уни сотишдан айнан шунча пул ишлаб олмоқчи.
Ўтган йилнинг ёзида Мартин Субименди сотиб олиш учун худди шу суммани "Ливерпуль" сарфлашга тайёр эди, аммо испаниялик футболчи "қизиллар"га рад жавобини берди.
