"Барселона" ҳужумчиси Роберт Левандовски жамоадоши Ламин Ямалнинг пенальти тепишдаги муаммолари ҳақида гапирди.
17 ёшли вингер Испания терма жамоасининг яқинда бўлиб ўтган Миллатлар Лигаси чорак финалида Нидерландия билан пенальтилар сериясида гол ура олмаган ягона футболчисига айланди. "Қизил фурия" барибир устун келиб, ярим финалга чиқди. Кейинроқ журналистлар Левандовскидан пенальти тепиш сирларини "Барселона"даги ёш жамоадоши билан ўртоқлашиши керакми, деб сўрашди.
"Ламин учун ҳаммаси олдинда. Ишончим комилки, вақт ўтиши билан у буни қандай қилишни тушуниб етади," - дея жавоб берди 36 ёшли польшалик форвард.
27 март куни "Барселона" Ла Лига доирасида ўз майдонида "Осасуна"га қарши баҳс олиб боради.
