Англия терма жамоаси сардори Харри Кейн ўзи янгиламоқчи бўлган навбатдаги рекордни айтди.
31 ёшли Кейн душанба куни Латвияга қарши ўйинда ўзининг миллий терма жамоадаги 71-голини уриб, Англия терма жамоаси тарихидаги энг яхши тўпурарга айланди.
"Бавария" ҳужумчиси халқаро фаолиятини якунлаш ҳақида хаёлига ҳам келтирмаяпти ва Англия терма жамоаси учун ўйинлар сони бўйича янги рекорд ўрнатиш имконияти борлигини ҳис қилмоқда.
Ҳозирда бу рекорд Питер Шилтонга тегишли (125), Кейн эса 20 ўйин ортда қолмоқда.
"Мен буни амалга ошириш мумкин деб ўйлайман. Албатта, ҳа. Мен Англия терма жамоасида имкон қадар узоқ вақт ўйнашни хоҳлайман. Ўйинлар бирин-кетин ўтади. Халқаро танаффуслар бирин-кетин келади.
Албатта, жаҳон чемпионати йўлида кўплаб ўйинлар бўлади ва умид қиламанки, турнирнинг ўзида яна саккизта ўйин бўлади.
Келинг, кутамиз ва кўрамиз. Бу нарсалар машаққатли меҳнатдан келиб чиқади, сиз жамоанинг бир қисми бўлиб қолишингиз керак. 105 ўйин ўтказиш - бу ўзига хос нарса. Албатта, яна бир нечта ўйин ўйнашни хоҳлайман", - деди Кейн Evening Standard билан суҳбатда.
