"Реал" сафида Ла Лиганинг навбатдаги турида "Леганес"га қарши ўйинда украиналик дарвозабон Андрей Лунин майдонга тушиши мумкин, деб хабар беради Marca.
Манбага кўра, бу асосий дарвозабон Тибо Куртуанинг соғлиғи билан боғлиқ. Бельгиялик кетма-кет иккинчи кун ўзини ноқулай ҳис қилмоқда.
Тибонинг соғлиғини хавф остига қўймаслик учун мураббийлар штаби Лунинни майдонга тушириши мумкин. Бундай ҳолатда Куртуа Испания кубоги 1/2 финалидан ўрин олган "Реал Сосьедад"га қарши ўйинга қайтиши мумкин.
Куртуа Бельгия - Украина ўйинидаёқ ўзини ноқулай ҳис қилганди. У индивидуал тарзда шуғулланмоқда, шифокорлар унинг тикланиши устида ишламоқда. Мураббийлар штаби кейинроқ қарор қабул қилади.
"Реал" - "Леганес" ўйини 29 май куни, "Реал" - "Реал Сосьедад" - 1 апрель куни бўлиб ўтади.
