Туриннинг "Ювентус" клуби ҳимоячиси Андреа Камбьясо Англия Премьер-лигасининг топ-клубида ишлаш имкониятига эга. Бу ҳақда La Gazzetta dello Sport журналистлари хабар бермоқда.
Манбага кўра, 25 ёшли футболчини "Ливерпуль" ўз сафига қўшиб олмоқчи. Мерсисайдликлар Камбьясони келаси ёзда "Реал"га ўтишга яқин турган Трент Александр-Арнольдга ўринбосар сифатида кўришмоқда.
Андреа "кекса синьора" сафида 2022 йилнинг ёзидан буён тўп тепиб келмоқда. Томонлар ўртасидаги амалдаги меҳнат шартномасининг муддати 2029 йилда тугайди. Унинг трансфер нархи 40 миллион еврога баҳоланмоқда.
