"Милан"нинг "Манчестер Сити"дан ижарага олинган ўнг қанот ҳимоячиси Кайл Уокер Италияда қолишга тайёр.

Англиялик январь ойида "россонерилар" сафига қўшилганди. Хабарингиз бор, Италия гранди футболчини "шаҳарликлар"дан 5 млн еврога сотиб олиши мумкин - катта эҳтимол билан, мавсум якунлангач, айнан шундай бўлади. "Милан" Уокер билан 2027 йилгача шартнома имзолашни режалаштирмоқда, унинг маоши йилига 4,5 миллион еврогача ошади, дея хабар бермоқда журналист Даниэле Лонго. Футболчининг ўзи ҳам клубдаги ҳолатидан мамнун ва қолишдан хурсанд бўлади. У "Манчестер Сити"га қайтиш ниятида эмас.

Кайл Уокер "Милан" сафида барча мусобақаларда тўққизта ўйинда майдонга тушишга улгурган. Май ойида Англиянинг 6 карра чемпиони 35 ёшга тўлади.