"Барселона" футболчиси Ламин Ямал жамоаси учун энг ёқимсиз рақибни айтди.
17 ёшли вингер "Бавария"дан ижара асосида "Осасуна" шарафини ҳимоя қилаётган Брайан Сарагосани эътироф этди.
"Бизга энг кўп муаммо келтирган футболчи? Сарагоса," - дея Ямалнинг сўзларини келтиради испан ОАВ.
23 ёшли футболчи сентябрь ойида "кўк-анорранглилар"га қарши кечган ва "Осасуна"нинг 4:2 ҳисобидаги ғалабаси билан якунланган учрашувда гол ва голли узатма муаллифига айланганди.
Бугун Памплона жамоаси сафарда Каталония грандига қарши баҳс олиб боради, бироқ Брайан Сарагоса жароҳати сабаб майдонга туша олмайди.
