ЖЧ-2026 саралаши доирасидаги Аргентина - Бразилия учрашувидан сўнг футболчилар ўртасида зиддиятли вазият юзага келди. "Альбиселесте" дарвозабони Эмилиано Мартинес майдонни тарк этаётган меҳмонлар вингери Рафиньяни туртиб юборди.
Бразилиялик қанот ҳужумчиси мезбонлар посбонининг хатти-ҳаракатларидан норозилигини билдирди. Ушбу эпизоддан сўнг рақиблар ўртасида кичик жанжал келиб чиқди.
Эслатиб ўтамиз, мазкур беллашув Аргентина терма жамоасининг йирик 4:1 ҳисобидаги ғалабаси билан якунланди. Лионель Скалони шогирдлари 2026 йилги жаҳон чемпионати йўлланмасини қўлга киритган илк Жанубий Америка вакили бўлди.
