Мадриднинг “Реал” клуби Лукас Васкес билан шартномани узайтирмаслиги мумкин.
Relevo хабарига кўра, клуб 33 ёшли испаниялик билан 2025 йилнинг ёзига қадар тузилган шартнома узайтирилишига жиддий шубҳа билан қарамоқда.
Мадридликлар "Ливерпул"дан Трент Александер-Арнолдни эркин агент сифатида олишга тайёрланмоқда. Дани Карвахаль ҳам ёзда тиззасидан олган жиддий жароҳатидан фориғ бўлади.
Шундай қилиб, ўнг қанот ҳимоячиси Васкес фақат учинчи танлов бўлади.
Жорий мавсумда Лукас Испания чемпионатида 23 та ўйин ўтказиб, 1 та гол урди ва 4 та голли узатмани амалга оширди.
