Ярим ҳимоячи Сандро Тонали яқинда "Ньюкасл"га соврин қўлга киритишда ёрдам берди, аммо унинг А Серияга қайтиши ҳақидаги тахминлар давом этмоқда. Журналист Даниэле Лонгонинг ёзишича, италиялик футболчига "Ювентус" ва "Милан" клублари қизиқиш билдирмоқда.
"Ювентус" учун бу жуда мантиқий, чунки Дуглас Луиз ва Копмейнерсларнинг ёзги трансферлари ҳали умидларни оқламади. "Милан" эса ҳар доим Тоналига даъвогарлар қаторида бўлади.
Бироқ молиявий шароит Италия клублари учун трансферни амалга оширишни қийинлаштиради. Тонали йилига 7 миллион евро олади ва "Ньюкасл" икки йил аввал унга сарфлаган 60 миллион евродан пастроқ таклифларни кўриб чиқмайди. Бироқ журналистнинг қайд этишича, Тонали ўз агентларига келажакда "Милан"га қайтиш истаги ҳақида аллақачон маълум қилган.
Жорий мавсумда 24 ёшли италиялик “Ньюкасл” сафида барча турнирларда 35 та ўйинда майдонга тушиб, 3 та гол ва 2 та голли узатмага муаллифлик қилган.
