"Ливерпуль" ярим ҳимоячи Харви Эллиотт билан хайрлашиши мумкин. 21 ёшли футболчи жорий мавсумда майдонда кўп вақт ўтказмаяпти - барча турнирларда 600 дақиқадан кам ўйин ўтказди. Журналист Мелисса Редди хабарига кўра, мерсисайдликлар инглизни яқинлашиб келаётган трансфер ойнасида, агар у бўйича фойдали таклиф тушса, сотиб юборади.
Харви Эллиотт жорий мавсумда 21 та ўйинда 4 та гол урди ва 2 та голли узатмани амалга оширди. Transfermarkt портали хавбекнинг трансфер қийматини 35 млн еврога баҳолаган, унинг "қизиллар" билан меҳнат шартномаси эса 2027 йилнинг ярмигача мўлжалланган.
