Франкфуртнинг "Айнтрахт" клуби ҳужумчи Уго Экитикени ўз сафида сақлаб қолиши қийин бўлади.
Немис клуби франциялик футболчига "Манчестер Юнайтед" жиддий қизиқиш билдираётганини билади, дея хабар бермоқда инсайдер Флориан Плеттенберг. 22 ёшли футболчига "Арсенал", "Ливерпуль" ва "Ювентус" ҳам қизиқиш билдирган. "Канонирлар" учун асосий нишон "Ньюкасл"дан Александр Исак бўлиб қолмоқда.
"Айнтрахт" раҳбарияти Уго Экитикенинг ёзда кетишини деярли муқаррар деб ҳисобламоқда. Франкфуртликлар ҳужумчини сотишдан 80 млн евро ишлаб олишни мўлжалламоқда.
"ПСЖ"нинг собиқ футболчиси жорий мавсумда 38 та ўйинда 19 та гол ва саккизта голли узатмани амалга оширган.
