Мадриднинг "Реал" клуби собиқ марказий ҳимоячиси Фернандо Йерро ҳозирда "Борнмут"да ўйнаётган Дин Хейсен ҳақида ўз фикрларини билдирди.
"Хёйсен ажойиб футболчи, буниси аниқ. У жисмоний ва техник имкониятлари билан ҳайратлантиради ва Англия чемпионатида ҳам баъзи маҳоратларини намойиш этди. Испания сафида ўйнаган икки ўйинида у одамларнинг фикрини ўзгартирди ва ҳамма унинг иқтидори нақадар юқори эканлигини англаб етди. Мен унинг тўп билан ишлашдаги хотиржамлигидан ва йирик ҳужумчиларга қарши қатъиятли ўйнашидан жуда ҳайратландим", - деди 57 ёшли испаниялик собиқ футболчи.
Аввалроқ, "қироллик клуби" 19 ёшли футболчини ёзда сотиб олишга жиддий қизиқиш билдираётгани хабар қилинганди.
