"Атлетик"нинг ҳужумкор ярим ҳимоячиси Нико Уильямс Каталониянинг "Барселона" клубига бориб қўшилили мумкин. Бу ҳақда El Nacional журналистлари хабар бермоқда.
Манбага маълум бўлишича, "кўк-анорранглилар" футболчилари Ламин Ямал ва Гави клуб раҳбариятини 22 ёшли ҳамюртининг трансферини расмийлаштиришга чақирган. Бундан ташқари, жамоа бош мураббийи Ханс-Дитер Флик ҳам Уильямснинг трансферига ижобий қарамоқда. Никонинг трансфер суммаси 58 миллион еврони ташкил этади.
Испания чемпионатининг жорий мавсумида ярим ҳимоячи 24 та ўйинда иштирок этди. Уильямс тўртта гол ва бешта голли узатмани амалга оширди.
