"Ливерпуль" ҳужумчиси Дарвин Нуньесга Премьер-лиганинг икки клуби қизиқиш билдирмоқда.
Бу мавсумда Нуньес "Ливерпуль" бош мураббийи Арне Слотнинг ишончини қозона олмади ва катта эҳтимол билан Дарвин келаси ёзда "Энфилд"ни тарк этади.
Аввалроқ, "Атлетико" Нуньесга даъвогарлардан бири сифатида тилга олинган эди, аммо ТЕАМtalk 25 ёшли уругвайлик футболчига Премьер-лигадан ҳам қизиқиш борлигини таъкидламоқда.
Биринчидан, бу "Ньюкасл" бўлиб, у 150 миллион фунтга баҳоланаётган Александр Исак билан хайрлашиш учун захира вариантларни кўриб чиқишга мажбур бўлмоқда.
Шунингдек, Нуньесни Премьер-лигада учинчи ўринни эгаллаб турган "Ноттингем Форест" ҳам кузатиб бормоқда.
