Мадриднинг “Реал” клуби бош мураббийи Карло Анчелотти тақвим тиғизлиги туфайли футболчилардаги юклама ҳақида гапириб, уни ўзи ҳам профессионал футболчи бўлган даври билан солиштирди.
"Илгари бу бошқа спорт, бошқа футбол эди. Нафақат чарчаш, балки тайёргарлик, жароҳатлар борасидаги стресс ҳам юқори бўляпти. Яхшироқ тузалиб кетиш, ўйинларга яхшироқ тайёргарлик кўриш учун кўпроқ вақтимиз бўлиши умидида биз камроқ шуғулланишимиз керак... Бу мавсум жуда қийин бўлади. Биз жиддий жароҳатларни инобатга олган ҳолда, футболчиларга кўпроқ дам беришга ҳаракат қиляпмиз", деди Анчелотти.
