"Барселона", "Ювентус" ва Бразилия терма жамоасининг собиқ ҳимоячиси Дани Алвес ҳибсда ўтказган кунлари учун 20 минг евро товон пули олиши мумкин. Бу ҳақда Marca хабар бермоқда.
Манбага кўра, Олий суд зўрлаш иши бўйича биринчи ҳукмни бекор қилгани сабабли, бразилиялик ҳибсда ўтказган 405 кунлик тўловни талаб қилиши мумкин.
Қайд этилишича, Алвес Мексиканинг "Пумас" клубидан ҳам шартномани муддатидан олдин бекор қилиш учун 2 миллион евро талаб қилади, чунки футболчи оқланса, бу асоссиз деб ҳисобланади.
Эслатиб ўтамиз, Алвес аввалроқ зўрлаш айби билан 4,5 йилга қамалган эди.
