Мадриднинг “Реал” клуби дарвозабони Тибо Куртуанинг сафга қайтиши кечиктирилиши мумкин. Белгиялик футболчи жароҳати сабаб шанба кунги “Леганес”га қарши ўйинни ўтказиб юборди.
32 ёшли дарвозабон тез орада сафга қайтиши мумкин эди, бироқ унинг аҳволи хавотирли қолмоқда. Журналист Мигель Анхель Диаснинг ёзишича, Куртуанинг Ла Лиганинг "Валенсия"га қарши бўлажак ўйинида иштирок этиши ҳам сўроқ остида. Учрашув 5 апрель куни бўлиб ўтади.
Бугун Карло Анчелотти шогирдлари Испания кубогининг иккинчи ярим финалида "Реал Сосьедад"га қарши баҳс олиб боради.
