Рандаль Коло-Муани "Ювентус"да қолмаса керак, у "ПСЖ"га ҳам керак эмас.
Турин клуби қишки трансферлар вақтида Франция терма жамоасининг 26 ёшли форвардини парижликлардан мавсум охиригача сотиб олиш ҳуқуқисиз ижарага олди.
Рандаль "Ювентус"даги дастлабки учта ўйинда бешта гол урди, аммо ҳозирда унинг клуб ва терма жамоадаги голсиз серияси 10 та ўйинга етди.
Тьяго Мотта ўрнига келган мураббий Игор Тудорнинг илк ўйинида француз майдонга тушмади. "Юве" "Женоа"ни мағлуб этди (1:0).
La Gazzetta dello Sport хабарига кўра, Моттанинг кетиши ва Коло-Муанининг ўйини "Ювентус"нинг "ПСЖ" билан футболчини сақлаб қолиш бўйича келишиб олишига имкон бермайди.
Шу билан бирга, RMC Sport аввалроқ ҳужумчининг "Пари Сен-Жермен"да келажаги йўқлиги ҳақида хабар берган эди.
