Мюнхеннинг "Бавария" клуби сафида тўп тепаётган марказий ҳужумчи Ҳарри Кейн Европа Чемпионлар лигасида ғолиб чиқишни истамоқда.
"Менинг орзум - Чемпионлар Лигасида ғалаба қозониш. Бу бутун ҳаётнинг мақсади. Бу мавсумда биз буни ўз стадионимизда амалга ошириш имкониятига эгамиз. Бундай ғалаба ўзгача бўларди. Олдинда чорак финалда Миланнинг "Интер" клубига қарши муҳим ўйинлар бор. Биз максимал даражада тайёр бўлишимиз керак," - дея форварднинг сўзларини келтиради ESPN.
Эслатиб ўтамиз, Кейн Мюнхен клубига 2023 йилнинг ёзида Лондоннинг "Тоттенхэм" клубидан кўчиб ўтган эди. Томонлар ўртасидаги амалдаги шартнома муддати 2027 йил июнь ойи охирида тугайди.
