Лондоннинг "Арсенал" клуби собиқ футболчиси Пол Мерсон "Ливерпуль" ҳимоячиси Трент Александр-Арнольднинг Мадриднинг "Реал" клубига ўтиши ҳақида фикр билдирди.
"Ливерпуль"да Трентнинг шартномаси билан боғлиқ вазиятни ҳал қилиш учун етарлича вақт бор эди. Ишни қандай қилиб бу даражага етказишганини тушунмаяпман. Александр-Арнольд кетади, чунки бу "Реал." Рад жавобини берадиган кўплаб футболчиларни айта олмайман. Трент "Ливерпуль"дан бироз юқорироқ бўлган клубга ўтмоқда," - дея Мерсоннинг сўзларини келтиради Sky Sports.
Англия Премьер-лигасининг жорий мавсумида 26 ёшли ҳимоячи 28 та ўйинда майдонга тушди. Трент иккита гол урди ва олтита голли узатмани амалга оширди.
