Чоршанба куни Испания Ла Лигаси "Барселона"нинг молиявий фэйр-плей билан боғлиқ муаммоларини ошкор қилди.
ВИП ўриндиқларни сотиш бўйича 100 миллион евролик келишув молиявий ҳисобот учун тасдиқланмагани аввалроқ маълум қилинганди.
Натижада каталонияликлар аввалроқ мавсумнинг иккинчи қисми учун вақтинчалик трансферлари эълон қилинган Дани Ольмо ва Пау Виктордан айрилиши мумкин.
Айни пайтда, "Барселона" президенти Жоан Лапорта ушбу вазият юзасидан баёнот берди.
"Улар бизни майдонда мағлуб эта олмайди, шунинг учун бизни офисларда уришга уринишади. Президент сифатида мен бунга йўл қўймайман.
Баъзида бу тасодиф эмаслигини ҳис қиламан.
Ла Лига баёноти "Атлетико"га қарши йирик ўйинимиз олдидан янграган. Улар бизни беқарорлаштиришга ҳаракат қилишяпти, мен бунга тоқат қилмайман!" - деди Лапорта журналистларга.
