Ферран Торреснинг айтишича, "Барселона" Испания Кубогида ўзини фаворит сифатида ҳис қилмоқда.
Ханси Флик бош мураббийлигидаги жамоа ярим финалда "Атлетико"ни икки ўйин натижасига кўра мағлуб этиб, финалга йўл олди (5:4). Жавоб ўйинида каталонияликлар Мадридда 1:0 ҳисобида ғалаба қозонди.
Турнир финалида "Барселона" "Реал" билан тўқнаш келади.
"Жуда ёқимли ғалаба. Биз финалга чиқдик. Ич-ичимиздан ўзимизни фаворит деб ҳис қиламиз, лекин бўшашиш мумкин эмас.
Биз камтарлик билан ишлашда давом этишимиз керак, шунда яхши нарсалар албатта содир бўлади," - деди "Барселона" вингери Ферран Торрес.