"Интер Майами" форварди Лионель Месси КОНКАКАФ Чемпионлар кубоги чорак финалининг дастлабки баҳсида голда иштирок этмади.

Унинг жамоаси 0:1 ҳисобида минимал мағлубиятга учради. Эътиборлиси, 37 ёшли аргентиналик футболчи жорий мавсумда илк бор жамоаси ўйинида бирорта голда иштирок этмади. Аввалроқ Месси олтита учрашувда бешта гол ва иккита голли узатма муаллифи бўлганди.

Эслатиб ўтамиз, Лионель 2023 йилнинг ёзида Америка клуби сафига қўшилганди. Томонлар ўртасидаги амалдаги меҳнат шартномасининг муддати 2025 йил декабрь ойи охирида тугайди.

"Интер Майами" ва "Лос-Анжелес" жамоалари ўртасидаги жавоб учрашуви 10 апрель куни бўлиб ўтади.