Халқаро футбол федерацияси (ФИФА) терма жамоалар рейтингини янгилади.
Март ойидаги ўйинлар якунларига кўра, Испания терма жамоаси турнир жадвалида Франция терма жамоасини ортда қолдириб, учинчи ўриндан иккинчи ўринга кўтарилди.
Ҳозирда испанлар ҳисобида 1854,64 очко бор. Эслатиб ўтамиз, Испания сўнгги Европа чемпионатида ҳам, аввалги УEФА Миллатлар Лигасида ҳам ғолиб чиққанди.
ФИФА рейтингининг пешқадами Аргентина терма жамоаси ҳисобланади. Лионель Скалони шогирдлари ҳисобида 1886,16 очко бор.