"Барселона" дарвозабони Войцех Шесни жамоасининг ўйинидан олган завқи билан ўртоқлашди.

34 ёшли польякнинг тан олишича, Ханс-Дитер Фликнинг "Барса"си у дарвозасини ҳимоя қилган жамоалар орасида энг чиройли футбол намойиш этмоқда.

"Шубҳасиз, шундай. Яна шуни айтишим мумкинки, бу мен энг кўп завқ олаётган жамоам. Мен бу ерда 19 та ўйин ўтказиб, бирорта ҳам мағлубиятга учрамадим," - дея дарвозабоннинг сўзларини келтиради испан ОАВ.

Войцех Шесни ўтган йилнинг октябрь ойидан буён "Барселона" шарафини ҳимоя қилиб келмоқда. Юқорида тилга олинган 19 та ўйинда у 17 та гол ўтказиб юборди ва ўн марта дарвозани дахлсиз сақлаб қолди.