Ўзбекистон Суперлигасининг 4-туридан ўрин олган яна бир учрашув 4 апрель, жума куни бўлиб ўтди.

Учрашувнинг 37-дақиқасига келиб Муҳаммадали Абдураҳмонов ҳисобни очди. Шундан сўнг қўқонликлар кўплаб ҳужумлар уюштира бошлади. Аммо биринчи бўлимда бошқа ҳисоб ўзгармади.

Иккинчи бўлим аввалида эса “Қўқон-1912” бир киши кам бўлиб қолди. Ҳусниддин Ғофуров қизил карточка олиб майдонни тарк этди. 74-дақиқада эса қўқонликлар жарима зарбасидан ҳисобни тенглаштирди. Муҳаммаданас Ҳасановнинг голи орадаги мувозанатни тиклади.

Бироқ орадан 6 дақиқа ўтар-ўтмас айнан Ҳасанов қизил карточка олди ва майдондан четлатилди. 90+3 дақиқага келиб эса Диёр Рамазонов гол уриб, жамоасини ҳисобда олдинга олиб чиқди. 90+7-дақиқада эса Асадбек Каримов ҳисобни иккитага оширди.

Ушбу ғалаба “Сурхон” учун мавсумдаги биринчиси бўлди.

Суперлига. 4-тур
"СУРХОН" - "ҚЎҚОН-1912" - 3:1 (1:0)
Голлар: Муҳаммадали Абдураҳмонов, 37 (1:0), Диёр Рамазонов (90+3), Асадбек Каримов (90+8) — Муҳаммаданас Ҳасанов (74)
Четлатишлар: Ҳусниддин Ғофуров (52), Муҳаммаданас Ҳасанов (80) — иккиси "Қўқон-1912"