"Тоттенхэм" келаси ёзда "Бавария"дан 19 ёшли ҳужумчи Матис Телни сотиб олмоқчи. Франциялик футболчи февраль ойида Лондон клубига ижара асосида келиб қўшилганди.
Манбага кўра, "шпорлар" Телни 45 миллион фунт стерлингга (53,1 миллион евро) сотиб олиши мумкин. "Тоттенхэм" 19 ёшли футболчини 32 ёшли Сон Хён Миннинг ўрнига потенциал футболчи сифатида кўрмоқда. Жанубий кореялик футболчи жорий мавсум охирида сотилиши мумкин.
Лондон клубига ўтгандан сўнг, Тел барча турнирларда саккизта ўйинда қатнашиб, битта гол урди. Футболчининг Мюнхен клуби билан амалдаги меҳнат шартномаси 2029 йилнинг ёзига қадар мўлжалланган.
