"ПСЖ" бош мураббийи Луис Энрике жамоанинг мавсумнинг сўнгги қисмидаги улкан мақсадлари билан ўртоқлашди. Испаниялик мутахассиснинг айтишича, унинг футболчилари нафақат Лига 1да чемпионлик унвонини қўлга киритиш, балки мавсумни мағлубиятсиз ўтказиш, шунингдек, Чемпионлар лигасида ғалаба қозониш учун ҳам интилишади.
"Шу пайтгача мен рекордлар билан қизиқмасдим, лекин, албатта, биз Лига 1да мавсумни мағлубиятсиз ўтказмоқчимиз. Биз шунчаки чемпион бўлишни эмас, балки яхши ўйин кўрсатишни истаймиз. Рекордларимизни янгилаб, статистикамизни яхшиламоқчимиз.
Ҳар доим ўсиш учун жой бор. Футболчилар ҳам индивидуал, ҳам жамоада кучлироқ бўлишлари мумкин.
Биз Франциянинг Чемпионлар лигасидаги сўнгги вакилимиз ва бу биз учун қўшимча мотивация манбаидир", деди Энрике.
