Англия чемпионатида 31-тур ўйинлари бўлиб ўтди, улардан энг асосийси Манчестернинг икки клуби ўртасидаги баҳс бўлди - "Юнайтед" ўз майдонида "Манчестер Сити"ни қабул қилди.
Ўтган ўйиннинг илк дақиқасидаёқ "шаҳарликлар" аъзоси Рубен Диаш сариқ карточка олди - аниқроғи, бу ўйиннинг 38-сониясидан кейин содир бўлди.
Унинг бу огоҳлантириши Англия чемпионатида батафсил статистик маълумотлар тўпланган вақт ичида Манчестер дербисида энг тез огоҳлантириш бўлди.
Эслатиб ўтамиз, бўлиб ўтган беллашувни Жон Брукс бошқариб борди ва учрашувда нурсиз дуранг қайд этилди.
