"Реал" бош мураббийи Карло Анчелотти ёзда клубни тарк этиши мумкин, деб хабар беради Defensa Central.
Италиялик мураббийнинг "бланкос" билан 2026 йилнинг ёзигача мўлжалланган шартномаси бор, аммо Карло Чемпионлар Лигаси чорак финалида "Арсенал"дан ўта олмаса, ёздаёқ мадридликлар билан муносабатлари узилиши мумкин.
Манбага кўра, "бланкос" EЧЛда муваффақиятсизликка учраса, Анчелотти Бразилия терма жамоаси билан шартнома имзолайди, "Реал"ни эса катта эҳтимол билан Хаби Алонсо бошқаради. Аммо воқеалар ривожи шундай давом этар экан, Карло барибир клублар ўртасидаги жаҳон чемпионатида "Реал" бош мураббийи бўлиб қолади ва шундан кейингина клубни тарк этади.
Аввалроқ, Бразилия терма жамоаси бош мураббийи Доривал Жуниор истеъфога чиқарилган эди. ОАВ хабарларига кўра, айнан Анчелотти унинг ўрнини эгаллаш учун асосий номзодлардан бири ҳисобланади.
