Каталониянинг "Барселона" жамоаси 24 ёшли ҳимоячиси Эрик Гарсия ёзги трансферлар ойнасида клубини ўзгартириши мумкин. Бу ҳақда Todofichajes. портали мухбирлари маълум қилмоқда.

Манба маълумотларига кўра, марказий ҳимоячини ўз сафига қўшиб олишга Испаниянинг бошқа бир клуби - "Реал Сосьедад" қизиқиш билдирмоқда. Гарсиянинг эҳтимолий трансфери қиймати 15 миллион евро атрофида баҳоланмоқда. Эрикнинг "кўк-анорранглилар" билан амалдаги шартномаси 2026 йил июн ойи охиригача мўлжалланган.

Гарсия каталонияликлар сафида 2021 йилдан бери тўп тепмоқда. Испания чемпионатининг жорий мавсумида ҳимоячи 21 та ўйинда майдонга тушди.